Šibałstwo na łubi
Embedded Files
Wšitcy wěmy, kak žiwe, humorne a połne energije naše nałožki su! W tutej inscenaciji runje to na jewišću pokazamy.
Hdyž trjechja šibali pacholjo na šćěkanja holcow, wotuća wjesne žiwjenje zašłych dnjow. Zhromadnje z hercami Smjerdźečanskeje rejowanskeje skupiny prezentujemy zahorjacy program, kotryž swjeći naše znate tradicije.
Jutrowna woda
W filigranej Wojerowskej drasće přewodźamy holcy na jich puću k žórłu na jutrowničce. Mjelčenje je winowatosć – tola wšitcy znajemy pachołow, kotřiž hižo za žiwym płotom łakaja!
Małe stróžele abo wótře smjeće – tak so magiska móc wody zhubi. Krasna žiwa to hra wokoło serbskeho jutrowneho nałožka a młodostneje lochkomyslnosće.
Přaza
Hdyž su zymske wječory zaso dołhe, ćehnje holcy na synowu łubju. Mjeztym zo kołwróty šwórča a znate serbske spěwy zaklinča, pacholjo wězo dołho na so čakać njedadźa.
Dožiwiće wjesołu, hudźbnu bitwu połnu překwapjenkow, rejow a typiskeho, lubozneho šćěkanja. To je přazu hižo přeco wučinjało.
Je to temperamentna inscenacija, w kotrejž naše lětstotki stare nałožki jenož njewobchowamy, ale zdobom swjećimy!
Hruby přehlad
programa “Šibałstwo na łubi”
temperamentna hra z tradicije a šibałosće
něhdźe 90 mjeńšinow žiwjenskeho wjesela
něhdźe 8 porow a muzikanća
wuměłski nawod:
choreografija: Dieter Wendisch (Budyšin)
hudźbne wobdźěłanje: Mirko Scholze (Budyšin)
techniske wuměnjenja:
wulkosć jewišća znajmjeńša 8 m × 8 m
2 garderobje w bjezposrědnjej bliskosći jewišća
Page updated
Google Sites
Report abuse