Nimo klasiskich rejow, kotrež na začuće znateho ludoweho spěwa nawjazuja, njesmě wězo tež staroznata šewcowa reja (Reja šewca) pobrachować. Z wjele šarmom a hrajnym wjeselom rejowarjo tu pokazuja, kak přerejowane črije zaso płataja. Reja dopomina kóždeho, kotryž je z našimi tradicijemi wotrostł, na čas dźěćatstwa. 

Cyle wosebity highlight je nimo toho ekskluziwnje za našu skupinu choreografowana „Smjerdźečanska reja“. Wona pokaza ze swojej zahorjacej dynamiku, zo móže tradicija tež moderna być. Pisane suknje našich narodnych drastow zmahuja krasnje k zynkam tuteje reje. 

Hercy Smjerdźečanskeje rejowanskeje skupiny přewodźeja cyły program live z awtentiskimi spěwami a serbskej ludowej hudźbu. 

Je to harmoniske a žiwe folklorne dožiwjenje, kotremuž móžeće sćěhować.