Naša domizna je Hornja Łužica, měšćanski třiróžk Budyšin, Kamjenc a Kulow. Wot 1964 wustupujemy na jewišćach w tu a wukraju, a prezentujemy z hordosću serbsku kulturu. Za nas njeje serbska rěč jenož tradicija - wona je žiwa identita, kotruž z kóždym słowom a kóždej kročelu wobchowamy a dale dawamy. 

Na našich wustupach dožiwiće wotměnjawy a žiwy program ze zahorjacymi choreografijemi, kotrež mjez druhim naše serbske nałožki předstaja. Wosebje hordźi smy na našu dynamisku dorostowu skupinu. Z wjele energiju a zahoritosću stupa naša młodźina do stopow staršich rejowarjow a dopokazuje, zo wostanje serbska folklora młoda, čerstwa a na přichod wusměrjena.

Ze zahoritosću podamy so tež z domjaceje Łužicy na jězby do wulkeho swěta. Hač na festiwalach w USA, Argentinskej, Indiskej, Mexiku, Južnej Koreji, Turkowskej, Kanadźe a Chinje abo w Europje – wot Pólskeje, Letiskeje a Čěskeje přez Belgisku, Francosku a Španisku hač dele do Grjekskeje, wšudźe hižo běchmy. Smy hordźi na to, zo směmy posoljo našeje kultury być a ludźi po cyłym swěće z našej energiju zahorić.